Os Puntos Limpos - tamén chamados "Punto Azul", "Punto R", "Punto Verde" - son recintos ubicados no entorno das cidades, co obxetivo fundamental de servir ós cidadánd como centro de aportación voluntaria para a recollida selectiva dos residuos xerados no ámbito domiciliario. Están dotados de contenedores específicos para os distintos tipos de refugallos susceptibles de entrar nos circuitos de reutilización e reciclaxe, e para aqueles que, debido ás súas características tóxicas ou perigosas, deben ser xestionados de acordo coa lexislación vixente nesta materia.

Como obxetivos fundamentais dun Punto Limpo cabe destacar:

• Recuperación dos materiais contidos nos residuos para a súa reciclaxe directa (papel, vidro, metais..).
• Evitar o vertido incontrolado de voluminosos que non poden ser eliminados polos servizos de recollida de lixo (mobles, electrodomésticos..). 
• Separar os residuos perigosos xerados no fogar dos que a eliminación conxunta co resto dos lixos urbanos ou mediante o seu vertido á rede de saneamentos, representaría un risco para o medio ambiente e a saúde pública (medicamentos, pilas, fluorescentes..).
• Reducción do volume dos residuos a tratar ou eliminar nos vertedoiros controlados, co que aumenta a vida útil dos existentes.

A relación de residuos a recoller reducirase no caso de dispoñer dalgún outro sistema axeitado para realizar a recollida selectiva.

Residuos especiais:

• Fluorescentes e luminarias de vapor de mercurio.
• Disolventes, pinturas e vernices.
• Pilas.
• Frigoríficos e electrodomésticos con CFC.
• Aceites minerais e vexetais, usados, procedentes dos particulares.

Residuos municipais e asimilables:

• Papel e cartón.
• Vidro.
• Envases de plástico, briks e latas.
• Residuos metálicos.
• Outros electrodomésticos.

Outros residuos:

• Escombros de pequenas reparacións.
• Residuos voluminosos (mobles, colchóns, etc..).

O Punto Limpo Móbil é un vehículo itinerante equipado con contedores especiais para diferentes tipos de residuos de orixe doméstica deseñados para facer as funcións de recollida e con iso facilitar a súa valoración ou eliminación posterior. Os veciños interesados poden acceder ao servizo de recollida previa solicitude ao seu concello, o cal dará traslado da mesma ao servizo correspondente da Mancomunidade do Ribeiro, concertando posteriormente día e hora de recollida.